CHHANDAMNA LUKHUM

EPHESI 6:17
Tin, Chhandamna lukhum leh Thlarau ngûnhnâm (Pathian Thu chu) la ula.

Krista chhandamna chuan kan tihsual tawh ngaihdamna leh hma lam pan tûra chakna min pe a. Pathian râlthuam kan inthuamna tûr parukna chu thlarau ngûnhnâm (Pathian Thu) a ni. Pathian thu hmang lovin Setana kan hneh thei ngai lo vang. Tisa leh thisen mai ni lo, lalna te, thuneihna te, he thim chunga khawvêl rorêltu te, vân hmuna thlarau sual awm hote bei tûrin thlarau ngûnhnâm, Pathian thu hi kan mamawh ngawi ngawih a ni.

Chhandamna lukhum khum chung leh Thlarau ngûnhnâm, Pathian thu keng chungin inthuam ila, huaisenin Diabola do tûr leh Lalpa ram zauh zêl tûrin ṭan i la ang u.

Aw, min thuam la, Immanuel,
I Thlarauvin min thuam ang che;
He khawvêl sual thim kulhpui hi,
I tân ka do leh ang e.

LALPA, i râlthuam famkim inbel tûrin min pui ang che.