ISUA – PATHIAN BERÂMNO

JOHANA 1:29-30
Tin, a tûkah chuan Johanan Isua a hnênah lo kal dâwnin a hmu a. Tin, a sawi a, “En teh u, Pathian Berâmno, khawvêl sual kalpuitu tûr saw! Saw mi saw a ni, ‘Mi pakhat mi lehkhalh khân mi zui dâwn, ka hmaa awm sa rêng a ni,’ ka tiha kha.

Berâmno tih hi kan Bible-ah hian vawi 168 vêl lai kan hmu a ni. Israel faten Aigupta an chhuahsan dâwn pawh khân an kawngka biang pahnih leh kawngka lu chunga berâmno thisen tât apiangte kha thihna lakah an him a nih kha! Ram an luah hnuah pawh Pathian hnêna an inthawina hmanraw pawimawh ber zînga mi a ni.

Baptistu Johana pawhin a hnêna Isua lo kal tûr chu, “En teh u, Pathian Berâmno, khawvêl sual kalpuitu tûr saw!” tiin a sawi a. Thuthlung Hluia a hlimthlaa an hmuh kha Thuthlung Thara khawvêl sual thawi nâna hman a lo ni ta. Pathian Berâmno hian khawvêla a mo, Kohhranhote hi a la rawn hruai dâwn a ni, kan tel ve ang em le? (Thup. 19:8-9; 21:9).