THAWHLEHNA A AWM EM?

1 KORINTH 15:16-18
Mitthite kaihthawhin an awm si loh chuan Krista pawh kha kaihthawhin a awm lo vang; tin, Krista kha kaihthawhin a awm loh chuan in rin chu engmahlo a ni ang a, in sualnaah chuan in la awm fo a ni ang. Chuti a nih chuan Kristaa muhîl tawhte kha an boral ta a ni ang.

Engtin nge Isua a tho leh tih kan hriat ang?

Isua thlân a ruak — Puithiam lalte leh Pharisai ten Isua ruang rûk bo an hlau, Sipaiten an veng hial a ni. Mahse, Mari Magdalini te, Petera leh zirtîr dangin Isua thlân ruak an hmu a.

Tho leh Krista mi tamtak hnênah a inlâr — Mi 500 aia tam hnênah a inlâr. Hemi thu ziah lai, Isua thawhleh hnu kum sawmhnih panga hnu vêl hian a tam zâwk chu an la dam tih kan hmu (I Kor. 15:6), dik lo se Isua thawh leh thu hi an ziak ngam kher .

Zirtîrte dawihzep ṭhin an lo huai ta — Zirtîrte kha Isua an man khân an bo duak a, a phûmnaah pawh an lang lo. An hnêna Isua a inlâr (Johana 20:19) an hmuh meuh chuan, ‘Mihring thu aiin Pathian thu kan zâwm zâwk tûr a ni, an ti ngam. Thawhlehna ring lovin kristian a nih theih ang em?

A tho leh ta, a tho leh ta e,
Fak r’u kan Chhandamtu a tho leh e;
Ropuiin a hmêlma a hneh zo,
Kumkhuain mi thianghlimte nên ro an rêl.

Thil kan hmuh leh hriatte i puang ang u.