KRAWS LERA ISUA THUSAWI 5-NA

JOHANA 19:28
Chumi hnuah chuan Isuan thil engkim tûnah a kim tawh tih a hria a, Pathian Lehkha Thu kha a thlen nân, “Ka tui a hâl e,” a ti a.

Hliampui tuar chu an tui a hâl huam huam ṭhin a. An vuakna hliam leh an khenbehna hliam te, hlîng lukhumin a hliam te, a taksa rihnain a thazâm leh a tihrâwl a uai ṭêk chhuai chhuai te leh saruaka ni sensa a tawrh zawng zawngte avâng hian Isua hi tuihal lo chi a ni lo. A taksa lama a tuihâlna mai bâkah hremhmuna kan tuihâl ai kraws chungah a tui a hâl a ni.

“Ka tha hi lampei angin a ro zo va,
Ka lei pawh hi ka dangah a bet ta tlat a,”

tia Sam 22:15-a kan hmuh kha a takin Lal Isuaah a lo thleng ta a ni. Lal Isua tuihâl kan tulh theihna chu a duhzâwng leh a ngaih pawimawh zâwng kan tih hi a ni. Lal Isua tuihâl tulhtu-ah kan chhûngkua hi kan ṭang ve dâwn lawm ni?