INRING RENGIN AWM RAWH U

MATTHAIA 24:43-44
Nimahsela, hei hi hre rawh u, rûkru a lo kal hun tûr in neituin hria sela, a vêng ang a, a in a reh pawhtîr lo vang. Chuvângin, nangni pawh inring rengin awm rawh u, in rin loh hunah Mihring Fapa a lo kal dâwn si a.

Nova hun laiin mipuite Pathian duh loh zâwngin sual takin an awm a. Pathianin hrem a tum a, Nova chu chhanhimna lawng a tuktîr a; miten hmu reng mah se, an bengkhawn lo va, an nuihzât zâwk a. An eiin an in a, nupui pasal an innei a, Pathian lam ngaihvenna châng an hre lo.

Kan ni tin khawsak leh mahni hlimna bâk kan ngaihtuah chang lo fo. Mihring Fapa a lo kal chuan thlânte chu lâwr an ni ang. Rûkruin in a rawk hun tûr a hriattîr lâwk ngai lo angin, keini pawh englai pawh a inring rengin LALPA mit hmuha thianghlimin a thu awihin i awm ang u. Setana tirhkohten mihring thlêm dân ṭha bera an ngaih chu ‘a hmanhmawhthlâk loh‘ tia ngaihzamna neihtîr hi a ni. Kan muang sual ang tih a hlauhawm hle mai.

A lo kal hunah kan peih dâwn em ni?
Zîng, chhûn, zân, eng lai pawhin,
Khâwnvar alha inringin,
A lo kal hunah kan peih dâwn em ni?

‘Nakinah’, ‘naktukah’ kan tih chhûng hian a tlâi ang e. Pathian tâwk tûrin inpeih rawh.