THUNUNG

Rom 15:4
“Lehkha Thua lo ziak tawh rêng rêng chu min zirtîr tûra ziak a ni, thu ziak aṭanga chhelna leh thlamuanna kan dawn azâra beiseina kan neih theih nân.”

“Hebrai 4:12 – Pathian thu chu a nung a, thil a ti thei a, khandaih hriam tawn eng anga hriam ai pawhin a hriam zâwk a, ruhtuah leh thlîng te, nunna leh thlarau inzawmnate a phel hrang thei a, rilrua ngaihtuah leh tumte pawh a hre nghâl thei a ni.”

1 Petera 1:23 – “Chi chhe thei lakah ni lovin, chi chhe thei lo Pathian chatuan thu nung laka piangthar in nih kha.”

Pathian thu thiltithei tak hian kan nun hi engti’anginnge a lo tihdanglam ve tawh ang le!

George Mueller, rinna nasa tak aneih avanga mi hriat hlawh tak chuan, “Bible ka hriat tirh kum thum chhung kha chu ka en liam ve mai a, Pathian thu tak tak kha ka hnawl a ni. Mahse taima taka ka han zir tak hnu kha chuan a malsawmna mak tak ka dawng a. Vawi 100 lai uluk leh taima zawkin ka chhiar a, ka zir bawk a ni!” a ti.

‘Kristian Vanram kawng zawh’ lehkhabu ziaktu, John Bunyan-a chuan, “Bible hi chhiar ula, chhiar nawn fo ula, in hriatthiam loh a awm pawhin midangte rawn hreh lo ula. Nangmah leh nangmah inti hnual lo la, a hrilhfiahna bu i neih loh pawhin beidawng suh ang che. Ṭawngṭai chungin chhiar la, chhiar chungin ṭawngṭai bawk ang che. Mihring ngaihtuahna aiin Pathian a ropui zawk ani tih hre reng ang che u.” a ti a.

Pathian leh Bible tel lovin he khawvelah fel takin ro a rel theih ngai lo vang. – George Washington