DÂN ZAWM

SAM 19:7
Lalpa dân chu a ṭha famkim a, nunna a siam ṭha ṭhîn; Lalpa thuhriattîr chu a rinawm a, mi mâwl a tifing ṭhîn.

Sawrkar, kohhran leh pâwl hrang hrangin inkaihhruaina dân kan nei ṭhin a. Heng dân hrang hrang zawm hi mi fel nihna a ni a, dân zawm loh hi mi sual nihna a ni bawk ṭhin. Dân zawmtute tân chuan tu mah an hlauhawm loh va, dân zawm lotu tân chuan hlauhawm a tam ṭhin. Miin dân a zawm chuan thuawih tih a ni.

Pathianin kan zawm tûra min pêk tam tak chu a Bible-ah kan hmu a. Tih tûr min pêk tih leh tih loh tûra min hrilh tih loh hi a dân zawmna a ni a. Hei tluka thlarau mi-na dang a awm chuangin a lang lo. Ei leh in thuah te leh thil dang dangah dân min pe a, chu a dân zâwmtu chu a taksa, a rilru leh a thlarau lam thleng pawhin a hrisel ṭhin. Miin Lalpa dân a zawm chuan a huaisen a, a mut a tui bawk ṭhin a ni.

“Aw, i dân hi ka va ngaina êm!
Nilenga ka ngaihtuah ṭhin a ni,” (Sam 119:97).