INAWMPUI CHUNGCHÂNG (AWMPUITU TÂN)

LEVITICUS 25:39-40
Tin, i bula chêng i unau a lo retheiha, i hnêna a rawn tlûk luh chuan bawih angin i chhawr tûr a ni lo. Inhlawhfa ang leh i hnêna khawsa ve angin i hnênah a awm tûr a ni a, Jubili kum thlengin i rawng a bâwl ang.

Kan chhûngte emaw, mi dang emaw kan mamawh avânga kan awmpui a awm thei a. Miin min mamawh avânga awmpui pawh a awm thei bawk. Engpawh ni sela, awmpuitu tân hêngte hi hriat ni se —

1. Pathian ṭih chunga inenkawl tûr a ni.

2. Awmpuite chunga awhna sual laka invên a ṭha.

3. An fel lohna leh tlin lohna dâwmkâng zâwnga inenkawl a pawimawh.

4. Ei leh ina inthlim loh theih duhthusâm a ni.

5. ‘Lal Isua ni se engtin nge a tih ang?’ tih rilru pu chunga inawmpui a ṭha.

6. Ṭawng mawi lo leh hmuhsitna lam tihlan loh a ṭha.

7. Inrin ngam a pawimawh.

8. Fakna leh chawimawina ṭawngkam ui hauh loh tûr a ni bawk.