CHANCHIN ṬHA HRIL RAWH U

MARKA 16:15-16
Tin, an hnênah, “Khawvêl zawng zawngah kal ula, thil siam zawng zawng hnênah chuan Chanchin Ṭha hi hril rawh u. A ringa baptisma chang chu chhandamin an awm ang a; a ring lo erawh chu thiam loh changin an awm ang.

Isuan khawvêl zawng zawnga kala Chanchin Ṭha hril tûrin min tîr a, chu chuan zirtîra siam leh kohhran din pawh a huam tel. Mi zawng zawng thuhriltu leh ram danga Chanchin Ṭha feh chhuahpuitu kan ni thei kher lo. Mahni chhûngkuaah leh ṭhenawmte hnênah Chanchin Ṭha hi kan hril thei a, chu chu kan kovah a nghat a, Rinna chu thiltihin a zui tûr a ni (Jak 2:17).

Nungchate hmangaihin thilsiam dang, Lalpan ṭha a tih êm êm te hnênah pawh kan nun leh thiltihin Chanchin Ṭha i hril ang u.

He khawvêla kan awm chhûngin,
Châwl hman kan ni lo ve;
Ring lote hnênah chhandamna thu hi,
Puang zêl tûrin Lalpan min au.

Chanchin Ṭha hriltu kan ni ve dâwn em?