I HMINGIN HUM RAWH

JOHANA 17:11
Tin, kei zawng khawvêlah ka awm tawh lo vang, hêngho erawh hi chu khawvêlah an awm ang, kei i hnênah ka lo haw dâwn ta. Ka Pa thianghlim, nangin kei mi pêkteho hi i hmingin hum rawh, pumkhat an nih theih nân, keimahni ang bawk hian.

Isuan zirtîr sâwm leh pahnihte kum thum chhûng a zirtîr a, an chak tâwk lohzia leh an rinna ngheh tâwk loh a hria a. Isuan a zirtîrte Pathian hnêna hum tûra a dilna chhan chu pumkhata an awm theih nân a ni.

Isuan a zirtîrte a ring tâwk a, a tân theihtawp an chhuah ang tih a hria. Juda Iskariota tih loh chu Chanchin Ṭha avângin an martar hlawm. Petera phei chuan a Lalpa khenbeh anga khenbeh tlâkah a ingai lo va, a letlingin an khêngbet a ni. Krista hming avânga tuar tlâk an nih chu an lâwm zâwk daih (Tirh. 5:41).

Tlantu ka nei e, vânah min dîlsak ṭhin,
Khawvêla ṭhian ai chuan min hmangaih zâwk hle;
Eng lai pawhin aman khawngaihin min veng ṭhin,
I Tlantu ni ve se ka va ti em ve?

In ṭawngṭaisak tawn kan mamawh ṭheuh.