RAMRI CHUNGCHANG

DEUTERONOMY 19:14
Lalpa in Pathianin luah tûra a pêk che u ram, in luah tûr rama a hmaa an lo phun tawh in ṭhenawm ramri chu in sawn tûr a ni lo.

Khawvêla kan awm chhûng chuan in hmun lo ram kan mamawh reng dâwn a. Inzawrh leh inleisak a bâng tak tak dawn lo. Hetiang nikhuaah hian thua kâwk kual mai mai lovin engkim ziaka chhinchhiah thlap a lo ṭha ber zêl, a hnuah buaina a awm lo nge nge.

Mihring hi kan inang lo va, thil phal tak kan awm laiin duhâm tak kan awm bawk a. Ramri sawn chîng tak leh ṭhenawmte nêk zâwnga thiltih chîng sawi tûr vêng tinah kan awm emaw tih tûr a ni. Kan Bible-in min hrilh ang hian ṭhenawmte ramri kan sawn tûr a ni lo va, kan ram chin pawh ṭha taka kan humhalh a pawimawh bawk. A ram pumpui ang pawhin Pathianin kan awmna tûra min lo pêksa ṭha taka humhalh hi kan tih tûr a ni a. Kan ram tûra Pathian min pêk bâk duhâm vângin kan chuh tûr a ni hek lo.