NEHEMIA

NEHEMIA 1:3-4a
Tin, ka hnênah, “Sala tâng chhuak, chumi rama dama la awmte chu chan chhe tak leh sawichhiatin an awm a. Jerusalem kulh chu a chim rem rum tawh a, a kawngkhârte pawh a kâng asin,” an ti a. Tin, heti hi a ni a, chûng thu chu ka hriat chuan ka ṭhu chawt a, ka ṭap a, ni eng emaw zât chu lungngaiin ka awm a.

Hakalia fapa Nehemia chu Persia lal Artazerzia 1 (465-424 BC) no hlântu a ni. Nehemia hming awmzia chu, Pathianin a thlamuan tihna a ni. Lal in tûr lo inchhin hmasatu a ni. Lal nunna him nân a pawimawh. Mi tilreh a ni mai thei.

Jerusalem kulh chhiat thu a hriat chuan ṭapa chaw ngheiin Pathian hnênah a ṭawngṭai a. Lalin a thil duh a zawh pawhin a ṭawngṭai phawt a ni. An kulh siam harsatna kârah ṭawngṭai chungin a chhunzawm zêl. Lâwmna leh harsatna kârah pawh ṭawngṭai fo la. Lalpa hnênah chakna leh lâwmna thar i hmu zêl ang. Nehemia chuan mi dang a puhmawh lo, mi dang i puhmawh ṭhin a nih chuan Nehemia hnên aṭangin i zir ang u.

Ṭawngṭaiin chak lo a pui ṭhin,
Zân chhûnah a chantîr a,
I nun thim leh harsa kârah
Ṭawngṭai theihnghilh suh.

Duhâm lo tûrin i fimkhur ang u.