ISUA THLAHTUTE

MATTHAIA 1:16
Jakoban Josefa, Mari pasal chu a hring a; chu mi Mari lakah chuan Isua, Krista an tih hi a lo piang ta a.

Isua thlahtute chhuinaah Matthaian Juda rilruin Josefa lam chhuiin rinna pa, Judate bulpui Abrahama thleng a chhui a ni. Thlahtute chhuinaah hmeichhia an tel ve tlat mai. Mak leh zual chu hmeichhe hming langte hi khawvêl thlîrna aṭang chuan lang âwm lo tak tak an ni. Tamari-nawhchizuar chuan a pasala pa lakah fa a pai a, Rahabi chu Jentail hmeichhia, Jerikoa nawhchizuar a ni ve bawk (Mt 1:3,5). Ruthi (Mt 1:5) chu Moab mi, an thlahte chhuan sâwm thleng Temple a luh phal loh a ni (Deut 23:3). Uria nupui (Mt 1:6) Davida in a ît avânga a pasal hmêlma a thahtîr kha a ni.

Isua thlahtu chhuinaa mi hminghliau tak tak an lang hi a mak hle. Thlahtu chhuina hian Pathian hnam thlan Judate leh Jentail inkâr a tichim a, hmeichhe hlutna Isuan a rawn tilang bawk a. Isuaah chuan angkhat kan ni (Mt 9:13).

Lal Isuan mi sual a lâwm,
Ka sual chung pawh hian min lâwm;
Sual tinrêng ata min tlêng,
Vânram ka thleng thei tawh ang.

Mi sualte tân a lo kal hi a va lawmawm tak êm!