PATHIAN AU RAWH

PATHIAN AU RAWH

Hebrai 13:5
“In thil neih chhun chungahte chuan lungawi rawh u; amah ngeiin, ‘Engtikah mah ka thlahthlam tawp lo vang chia, kal pawh ka kalsan tawp lo vang che,’ a ti si a.”

Hringnunah hian vawi tam tak lungngaihna leh manganna te kan tawk thin a. Chu dinhmun atanga tlanchhuak thei tawh lo va, chu harsatna chu sukiang thei tawh lova inngai mi tam tak an awm bawk thin. Chungte chuan he khawvelah nun hman awmzia hre tawh lovin mahni an intihlum fo thin a ni.

He beidawnna ruamah kan din lai hian Setana chu thlarau sual nen rawn kalin Pathian hmel kan thlir theihna tur atana hmanraw awm te lak bo a tum a, thah a tum a, tichhiat a tum thin.

Ngaihtuahna a vir mup mup a, rilru a insual a, khawi lam hawi zawng pawh ngaihtuah ila a zahthlak a, a na bawk a, a thinrim thlak a, ‘engatinge kei kher’ tiin Lal Isua-a thlamuanna hmel duhawm thlir a har aiin mahni kan inthlir a, chu lai tak chu hmelma pa min beih duh lai a ni a. Chung hun chu kan tawng a nih chuan heng Bible bung leh chang te hi chhiar tur a ni.

  1. Pathian leh a thu chu ring tlat ang che. Hebrai 13:5,8. Isaia 15:11.
  2. Thlarau Thianghlim aw chu ngaichang reng ang che. Johana 10:27
  3. Mahni inveng tlat la. Thlarau Thianghlim puihnain beidawnna sual beihna chu bei let ang che. Jak. 4:7. I Joh. 4:4

Heng Pathian thu atang hian mi tam tak chhanchhuah an lo ni tawh a. Pathian hnathawh avangin keini pawh chhanchhuah kan ni ang. Huaisen tak leh fing taka awmin Lal Isua hmingin hnehna kan puang zel dawn a ni.

Johana 10:27 “Ka beramten ka aw an hre thin, kei pawhin anni chu ka hria, anni chuan mi zui thin”

avatar
  Subscribe  
Notify of
Copyright © 2017-2020 Our Daily Bread Mizo.
Privacy Policy