ISUA NEIH KA DUH ZAWK

ISUA NEIH KA DUH ZAWK

FILIPI 1:29
“Krista ring tûr chauh ni lovin, a tâna tuar tûr pawhin rawngbâwl hna hi in chang a ni si.”

Kum 1932 khan kum 23 mi, George Beverly Shea chu Organ hmaah thuin rimawi a tum rat rat a. A nu chuan Rhea F Miller poem phuah, lehkhaa inziak chu a rawn pe a. Uluk takin a chhiar a, a thluk mawi tak a phuah ta a ni.

Miller-i poem chuan chu tlangval thinlung chu a rawn hneh em em mai a. A thu chuan a thinlung zawng zawng chu rawn fan chhuakin mittui nen a rawn sa chhuak ta a. Chutia a fapa mittui nena rimawi tuma inhlanna tak tak nena a zai chu a nu chuan a rawn hmu a. Choka atanga a nu rawn kal chuan a thlir reng a. Pathianni inkhawmah chuan sa turin a ngen ta a ni.

Pathianni-ah chuan George chuan a han sa ta a, chuta tang chuan he hla mawi tak leh tha tak, Mrs. Rhea F. Miller phuah, “Isua neih ka duh zawk, ro hlu ber aiin..” tih chu khawvel miten kan lo hre ta a ni.

He hla hian George a nun a tidanglam a. NBC hnuaia Music lama Contract lian tak neih a, sum tam tak hai luh ai chuan Evangelist Billy Graham-a hnungzuia Pathian rawngbawl chu a thlang zawk a.

He hla phuahtu, Rhea F Miller hi Martin leh Bertha Ross fanu neihchhun a ni a. A pa hian zu a in nasain Sakhuana lam a ngaihsak duh ngai lo.

Howard Vassar Miller nen an intawngin an innei a. Kum 28 a nih kum, 1922 khan Brooktondale-a an inhlui fanga a len laiin a pa nunhlui chu a chhuikir a, zu bawih atanga chhanchhuah a pa testimony chuan a rilru a tithar a, chung zawng zawng aia Isua neih a duh zâwkna te, rohlu leh lei sum zawng zawng aia a ta anih duhna te chuan a thinlung a khawih ta em em a, he hla hi a lo phuah ta a ni.

‘Ka thla riltam tan chaw tha ber a lo ni. Lal Isua ka duh ber min hruaitu atan.’

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy