PATHIAN LEHKHA THU

ROM 9:17
‘Lehkha Thu-in Farawa hnênah, “He mi avâng ngawt hian ka tungding che a ni, nangmaha ka thiltihtheihna ka entîr theihna tûr leh, khawvêl zawng zawnga ka hming a than theih nân,” a ti si a.’

Rawngbawltu lar tak hi vawikhat chu a zinkawngah a vanduai palh a, a car a chhiat avangin kalkawngah a tâng a. A tanna bula khawte takte-ah chuan intihharh pah leh puitu beiseiin a kal a. Chutah chuan a thianpa hlui a tawng a.

A thianpa hlui tawn chu a lo rui khawp mai a, zu leh nula te nen hun an lo hmang a. Rawngbawltu chuan, “Engtizia nge heta i awm mai le? Frank, tun hmate kha chuan mi hausa leh awmthei tak kha i ni thin a, i va tla chhe ta em em ve?” a ti a.

Frank-a chuan a tlakchhiat dan te, a sum tam tak miin an puk an pek leh theih loh avanga rethei taka a awm thu leh nun kawngdik pawh a zawh theih loh thuin a chhang a.

Rawngbawltu chuan, “Haw vang vang la, i Bible keu la, i kut zungṭanga kawkin uluk takin chhiar la chutah chuan Pathian chhanna i dawng ang” a ti a, a kalsan ta a.

Hun tam tak a ral hnu chuan rawngbawltu chuan chawlhniah a thianpa Frank-a chu a hmu leh ta hlawl mai a. A hmuh dan erawh a danglam ta! Frank-a chu Mercedes Benz car dum nalh leh fai tak aṭangin a rawn pen chhuak a, Rolex sana a bun chu a tle vat mai bawk a, Gucci coat suit pâwl nalh tak a rawn ha bawk a.

Rawngbawltu chuan, “Frank, ka hmu leh thei che chu ka lawm hle mai, i nunah thil danglam tak ka hmu a, Pathian chu fakin awm rawh se” a ti a.

Frank-a chuan, “Ṭhianpa, ka lawmna zawng zawng hi i chungah leh Pathian chungah ka hlan e. Ka Bible ka keu a, uluk takin ka chhiar a, ka nun tihdanglamin a awm a. Malsawmna chu ka hriatthiam phâk bakin ka chungah a thleng ta a ni.” a ti a.

Tichuan Pathian Lehkha Thu hriat nan an thinlung a tifing ta a. – Luka 24:45