CHHUNGKUA

CHHUNGKUA

2 SAMUELA 7:16
‘I chhûngkua leh i ram chu kumkhuain ka tinghet ang a, i lalṭhutthlêng chu nghet takin a awm reng ang,’” a ti a.’

Chhungkaw inrêlbawlna pawimawhna leh ṭhatna te, a ṭulzia te hi sawi tur tam tak a awm. Zir tur tam tak a awm bawk.

Chhungkaw member tam takte hi an ṭangrual thiam kher lo a. Chhungkaw inrêlbawlna a fel loh chuan an hautak zâwk daih thei. Inrêlbawlna ṭha hi chhungtinte mamawh a ni a. Kristian chhungkua nihna kawngah pawh thil mawi tak a ni. Chuvangin a tê ber aṭanga a lian ber thlenga kan tih tur leh kan mawhphurna kan hriat leh kan hlen a pawimawh hle. Chu inrêlbawlna ṭha chu chhungtinin kan neih theihna turin hun hman ṭhat te, sum lak luh leh hman dan thiam te, in leh lo enkawl te, mimal tinin kan mawhphurna kan hlen te hi a ngai a ni.

Mizote hi intlawhpawh nasa tak kan ni a. Chhungkua-a hunbi neia khawsak a harna chen pawh a awm ṭhin. Chutihrual chuan chaw ei hun te, chhung inkhawm neih hun te ngaih pawimawh loh hi Setana lawmzawng tak a ni.

Tin, chhungkaw tam tak chu an sum lak luh a tam em em a, mamawh aia tam leina pawh an nei thei. Chutihlai erawh chuan a pawimawh ber chu sum lak luh tam aiin dik taka hman dan kan zir a, uluk taka kan ruahman a, ṭha taka kan vawn hi a pawimawh a ni.

Chhungkua-a mawhphurna kan neih ṭheuh hi midangte phût loin han ti tlâng dial dial ṭhin ila, tlawmngaiin a thawktu nihte han chuh zawk ṭhin ila, Zoram chhungtinte hi kan va hlim dawn tak em!

‘Mahni chhûngkaw tibuaitu chuan eng mah a nei lo vang, Mi â-te chu mi fing chhiahhlawh an ni ang.’ – THUFINGTE 11:29

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy