PATHIAN ZAWNG

PATHIAN ZAWNG

LUKA 11:10
‘A dîl apiangin an dawng ṭhîn, a zawng apiangin an hmu bawk ṭhîn. Tu pawh a kik chu an hawnsak dâwn a ni.’

Blaise Pascal-a chu mathematics thiam tak niin Modern Mathematics hmuchhuaktu a ni a. Miten an ngaisang a, a thiamna avangin chawimawina pawh a dawng hial a ni.

A hlawhtlinna leh chawimawina dawnte avangin a nun a hlim chuang hauh lo mai. A nunin awmzia a nei lo va, nun hian chhan a nei tlatin a hria a, thawkkhat lai kha a buai takzet a ni.

Pathian tak tak a zawng ta a, hun rei tak a zawn hnu chuan Kristiante Pathian chu a hmu ta a. A piangthar ta a.

Pascal-a chuan tihian a sawi, “Pathian hi Mathematics thiamte Pathian a ni a. Lehkha thiamte leh mifing berte Pathian a ni a. Abrahama Pathian, Isaka Pathian, Jakoba Pathian leh ka Pathian a ni. Ka rilruin Pathian hi ka chhar mai lo a, ka thinlungin a chhar a, a thlauh phal tawh lo a ni. Ka nun zawng zawng hi amah hmangaih turin ka hlan a. Pathian hmangaihna chu a ropui em em a, keima’n ka chhar a ni lo a, ama’n min zawng chhuak zâwk a ni” a ti.

Lalpa’n tu’nge tihdanglam theih loh a neih. Lal Isua’n amah zawngtu tu’nge a hnar kan hre tawh em?

Isaia 55:6 ‘Hmuh theiha a awm lai hian Lalpa chu zawng ula, A hnaih lai hian amah chu ko rawh u.’

Sam 105:4 ‘Lalpa chu zawng ula, a chakna dîl rawh u, Ani chu pan fo rawh u.’

Deuteronomy 4:29 ‘Mahse, chûng ram aṭang chuan, Lalpa in Pathian in ṭih takzeta, rilru zawng zawng nêna amah in zawn chuan in hmu leh ang.’

‘Pathian an zawna, an dap an dapa, an hmuh fuh hlauh theih nân a ti a ni; ani chuan min hlat lo ṭheuh si a.’ – TIRHKOHTE 17:27

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy