LALPAAH LAWM

SAM 40:3
‘Hla thar min saktîr a, kan Pathian fakna hla chu, Mi tam takin an hmu ang a, an hlau vang a, Lalpa chu an ring ang.’

Thuhriltu ni bawk, zaithiam ni bawk NB Vandall-a chu an varanda-ah thlamuang takin chanchinbu a chhiar a. Chutih lai tak mai chuan naupang awrawl a hriat chuan a thin a deng kher mai!

“Paula a na lutuk, Car-in a su a, kawngpui-ah a let reng mai. A thi nasa si a, ṭanpui thei kan awm em?” a rawn ti chel chul mai a. Paula chu Vandall-a fapa a ni a. A fapa a ni tih a hriat chuan rang mang khengin a tho chhuak a. A fapa chu damdawi inah an tlanpui ta nghal a. A ruh a tliak nual mai a. A hmelah chuan beisei a sang lo hle a ni tih a hriat a. Vandall-a chu a rilruin a ṭawngṭai reng a, daktawrten a nunna chhan tum mah se engkim Pathian kutah a awm a ni tih a ring tlat a ni.

Vandall-a chu inah a haw a, Pathian hnenah a ṭawngṭai a, thlamuanna duhawm tak a nei a, hetiang hian hla ropui tak a phuah ta a ni: “Thawkrim taka hun kan hman zawhin, harsatna ten min liamsan zawhin, ka lungngaihnaten min kalsan hunin, a tawpah Lal Isua ka hmu ang. Ani chun min nghak reng a, a lalṭhuthlengah chuan min la kuangkuah ang a. A ramah chuan min lo lawm ang; Vawiin kan hman zawh hunin” tiin.

Pathian zarah Paula chu a rawn damchhuak leh ta a. Vandall-a pawh chuan Pathianah rinnah leh chakna a neih lehzual phah ta a ni.

Keini pawh Pathianin hun thim tak kan tawn a phal a, harsatnate kan chungah a thlen a phal a ni. Mahse eng dinhmunah pawh ding ila amah chu kan fak tlat tur a ni a, vui thei kan ni lo. A hnenah kan tlu lut ang a, ani chuan min kalsan ngai .

I mangan a hnen thlen la, anin a lo ṭanpui zel ang che.