TALENT

ISAIA 61:3
‘Zion khuaa khawharte hnêm tûr leh An lungngaihna lâwma chantîr tûrin, Pawr taka awm intuaihnûm leh tûr te, Ngui taka awm fak hla saktîr leh tûr tein min tîr a ni. Lalpan amah chawimawi tûra a phun, Thing duhawm tak an ni tih thu hrilh tûr ka ni.’

Lalpan thiamna chi hrang hrang min pe a. Mi tam tak chuan Pathian malsawmna an dawnte chu Pathian ropuina tur ni loin an nawmsakna turin an hmang ṭhin a. Chutih rualin setana hnathawh avangin Pathianin Talent min pek te hmang chhuak thei loin kan awm thei bawk. A pawi hle a ni.

Sharon-i chanchin tawi i han sawi teh ang; Sharon-i chu Poem phuah thiam tak a ni. Tukkhat chu inchhung a tihfai laiin a frame mawi tak a hrukfai laiin a ṭhiannu, cancer natna vei fuihna tura a poem phuah lai chu a hrechhuak uai uai a. A ngaihtuahna chu thui tak a kal a ni.

Hetiang hi a ni; Pawl 7 anih laiin an zirtirtuin Krismas poem inphuahsiak turin a ti a. An zavai chuan an thiam ang tawkin an han phuah ta a. Sharon-i poem phuah chu a classmate te aiin a puitlingin a ṭha em em a. Inah a hawn a, a phuah chhunzawm nghe nghe a ni.

A tuk leha school an kal chuan an zirtirtu chuan Sharon-i poem phuah chu a fak em em a, an class-ah chuan a chhiar chhuak nghe nghe a. Chutianga poem phuah thiam tak anih avang chuan an zirtirtu pakhat chuan a hrangin a kawm ta a. Mahse chu an zirtirtu chuan zirtirtu dangte hnenah Sharon-i poem phuah chu poem lehkhabu aṭanga a entawn niin a sawi ta tlat mai a ni.

Sharon-i thinlung na lutuk chu kum 25 anih thlengin poem a ziak leh ta ngai reng reng lo a, mahse hun harsa tak a tawn avangin a phuah leh ta a, chu a talent avang chuan miten poem phuah a lo thiam tak tak a ni tih an hre ta a ni.

Miten min sawisel avangin Pathian ropuina puanchhuah kawngah harsatna kan tawk thei. Mahse Pathian ropuina turin kan talent-te hmanga engpawh ti thei turin i inbuatsaih zawk ang u.

ROM 14:8 – ‘kan nun chuan Lalpa tân kan nung a ni a, kan thih pawhin Lalpa tân kan thi a ni; chuvângin, kan nun pawhin, kan thih pawhin Lalpa ta kan ni.’