THINGTHI CHUNGIN

EZEKIELA 22:30
Thinura ram chu ka tihchhiat vek loh nân a bang chim rem ṭha tûr, a chhe laia lo ṭang tûr mi, an zîngah ka zawng a, ka hmu zo hauh lo.

Sandra Goodwin-i poem ziah ‘Ṭhingṭhi-a ka zinna ram’ tihah chuan ṭawngṭainain he khawvel-ah thil a tih theihzia min hriattir a. Pathian chuan a thiltihtheihna te chu a hnena kan ṭawngṭaina kaltlanga tarlan a duh fo reng a. Kan ṭawngṭai loh chuan chu chu kan hmu ngai lo bawk a ni. Hetiang hian a ziak;

“Nizan ka manglam-ah chuan tuipui zau takah khualzin angin ka kal a; Lawngin emaw Thlawhtheihnain emaw zinkawng chu ka zawh lo va, ṭhingṭhi chungin a ni chu kawng chu ka zawh ni. Chu tuipui zau leh thuk takah chuan sualna avanga boral mek, tuipui thim takin a chim pil mi tam tak ka hmu.

Lal Isua chuan chu hmunah chuan kal zel turin min ti a, thlarau bo chhanchhuah tur an tam avangin;

Mahse, ‘Isu, heti ringawt chuan ka kal thei lo ang, hna ka thawk thei hek lo ang’ tiin. Rang taka ka buaina chhangin, ‘Thei e, ṭhingṭhi chungin chu hmun chu pan zel rawh’ min ti a.

‘Ṭhingṭhiin ṭawngṭai zel rawh, i mamawh ka phuhru zel ang, ṭhingṭhiin min ko zel la, ka lo ngaithla zel bawk ang che, thlarau bo, a hla a mi te, a hnai a mi te chu chhanchhuak rawh le’ min ti leh a.

Chutin ka bei zel a, ṭhingthi-a ṭawngṭaiin ka kal beuh beuh a, harsa ka tiin ka beidawng hial a. Mahse Lalpa, Isua Krista chu ka ding lamah a lo kal ve reng tih ka hmu a. Ka han ṭawngṭai leh chiam a, chutah le! mi tam tak chu sualna ata chhanchhuahna ka hmu a, damlote an lo dam chiam a, Pathian rawngbawltu, khup zawi leh ban uaite chu Mupui angin thlain an thlawk chhuak a, an lo chak thar leh ta a ni.

Kei chuan, ‘Lalpa Isu, hei hi ka hna a ni, ka Lalpa lawmna tura thawh hi. Min kohna anga Ṭhingṭhiin, ṭawngṭaiin ka kal zel ang’ tiin.”

TIRHKOHTE 20:36 – Chûng thu a sawi zawh chuan an za-in a ṭhingṭhitpui a, an ṭawngṭai a.