MIDANGTE NGAIHSAK 

MIDANGTE NGAIHSAK 

1 JOHANA 3:18
Fate u, ṭawngka leh thu chauhvin i hmangaih suh ang u, thiltih leh tihtakzetin ni zâwk rawh se.

Mother Teresa-i khan a thil tawn zînga ropui a tih êm êm chu hetiang hian a sawi:

“Zankhat chu mi pakhat hi ka hnenah a rawn kal a, ‘Chhungkaw pakhat, fa 8 nei khawngaihthlâk êm êm mai an awm a, ni tam tak chaw an ei tawh lo’ tih thu min rawn hrilh a. In-a ka chaw neih ang ang chu ka keng a, an in lam pan chuan ka kal ta a. Ka thlen chuan an hmêl aṭangin naupangho chu an ril a ṭam hlê a ni tih a hriat theih a. Lungngaihna leh hlim lohna em em an nei lo, mahse an ril a ṭam tawngkhawng a ni tih chu an awm dan aṭangin ka hmu a. Ka chaw ken chu nu ber hnenah ka pe a, hmun hnih-ah a ṭhen a, hmun khat zâwk keng chuan a chhuak ta daih a, a rawn lêt leh hnu chuan khawi ah nge a kal ka zâwt a, ani chuan, ‘kan ṭhenawmte inah ka kal, anni pawh an ril a ṭam a’ tiin mâwl takin min chhang mai a.

Hemi chungchangah chuan mak tihna em em ka nei hran lo, a chhan chu miretheite hi an thilphal em em ṭhin a ni. Mak ka tih zâwka chu an rilṭam ve a ni tih engtin nge a hriatsak theih. Thil rêng rêng hi a nihdanah chuan harsatna kan tawh hian mahni hi kan indah lian êm êm ṭhin a, midangte tân hun leh tha kan pe thei ngai lo a. Mahse he nu hian khatianga a tithei kha mak ka ti a, a ropui ka ti hlê a ni.” a ti.

Mahni hma kan sial em? Midangte tân tha leh zung kan pe em? Pathian thu chuan, ‘Nangmah i inhmangaih angin i vêngte hmangaih rawh’ a ti (MATHAIA 22:39).

MATHAIA 25:40 – Lalber chuan, ‘Thu dik ka hrilh a che u, hêng ka unau tê berte zînga pakhat chunga in tih chu, ka chunga ti in ni,’ tiin a la chhâng ang.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.