TAWNGTAIPUI TURA NGENNA #9

Sipai nih ka châk lutuk a, PATHIAN hnen ah pawh ka dîl nasa. Kan chhungkua hi rethei ve tak kan ni a, sipai lâk runpui lo thlen in PATHIAN hnen ah ka dil a. Ani chuan min pui a ka tlân tling ve ngei a. Written exam kan nei a kan result a lo chhuak a, ka ṭhiante an tling sup sup a, tlin ka lo inring ve tehreng nen, tling ve tur leh malsawmna dawng tlâk ve tur khawp in ka bei ve nasa. Mahse ka tling zo ve lo a. PATHIAN hnenah ka vui nasa khawp mai. Ka rilru chuan PATHIAN hi a awm tak tak poh ka ring lo hman ṭep a, mahse ka ṭawngṭai a, LALPA tlin ka la phu tâwk lo mi? I malsawm tlâk in ka beih ve nasat em kha tiin ka ṭawngṭai a. Ka rilru ah thu tam tak a lo langa. Sipai ka intlar dawn khan ti hian PATHIAN hnen ah ka lo dîl a, tlin ka phu ve anih chuan min tlin tir la, ka tâna ṭha tur anih chuan min tlin tir la, ka tana ṭha lo tur anih chuan min tlin tir lo ang che tih ka dil kha ka hrechhuak a.

PATHIAN hian ka tân thil dang a ruat ani thei mai ang em? min lo ṭawngṭai pui teh u. Rilru hi a hah ve thei lutuk a, chhungte châwmtu tur ber ka ni bawk si. Kum 19 chiah ka la ni bawk nen, PATHIAN ah vui lek lek tum châng te ka nei ṭhin. LALPA chu ring la, aman a ti vek ang tih teh kan hre ve bawk nen ka rilru hi a insual but but mai, mahse PATHIAN min siamtu hi a awm reng tih hi ka thinlung chuan a pawm a ni.

– Jeremy, Tuikual North.


Prayer Network, Prayer Chain, Prayer Helpline (KṬP, ṬKP, SAY etc.) hrang hrang te rawn in report duh in awm chuan engtik lai pawhin a in report theih reng e.

Email[email protected]
WhatsApp8787441687

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.