DAMNA HMANRUA NGE.. SETANA HMANRUA

DAMNA HMANRUA NGE.. SETANA HMANRUA

– Vanlalnghaki

Kan zoram ah HIV a hluar viau mai a, a in test aṭanga chiang tam tak an awmlai hian, a in test lem lo he natna kawl si hi tam tak kan awm bawk awm e. He natna hi Pathian kan pawisak loh lutuk vanga Lalpa min hremna hmanrua a ni mai lo maw ka ti ṭhin.

Sex kan hmang duhdah em em a, nupa nilova sex hman kan pawisa lovin, Pathian laka inthlahrunna reng reng kan nei si lo. Sex hmang khawlo ho hian HIV vang hian sex hman hi lo tîm phahin an nun lo fimkhur phah ta se emaw an sex hman khawloh vang hian HIV natna lo kai ta se, chu chuan inchhirin Pathian lam lo hawi tir ta se, Lalpa hmanrua chuan a tum ang takin Lalpa hnen a hruai thleng tihna a ni thei ang em.

Hetianga kan ṭhalai tam tak HIV in a rûn mêk lai hian condom hian a chhanhim tak meuh ang maw tih hi ka rilrua riak reng leh zawhna lian tak a ni ṭhin. Condom hi awm ta lo se Lalpa duh loh dana sex hman hi kan tîm anga kan nun pawh hian Lalpa lawm zawng kawng zawh a awlsam phah lo maw? Anih leh HIV hi Lalpa hremna hmanrua lo ni ta se.. sex hman khawloh sim silova Lalpa hremna hmanrua laka himna atâna a invenna tur condom hman inzirtir uar viau leh, condom a thlawna kan sem chiam mai te hi, Lalpa dodalna ani thei mai ang em? Condom vang hian ngampa takin sex chu kan hmang khawlo leh ta si a.

Condom chuan kan taksa chu HIV lakah chuan a venghim ngeia mahse kan thlarau erawh a vêng tel hauh si lo. Nupa nun chungchang chu thuhran lo nise, kan inzirtir dan tlanglawn berah chuan sex hmang apiang leh awm khawlo te hi kan tinzawn ber anih hmel si. Condom hi hmang zel ila chu chuan kan taksa chhanhim in, kan nundan hian Pathian hlat tulh tulh si se, condom pawhin a ven theihloh natna hi Lalpan amah ringtute inhmuhchhuahna atan hian a rawn thlentir leh mai lo maw aw…

CONDOM hi damna nge SETANA hmanrua le?

avatar
3 Comment threads
0 Thread replies
1 Followers
 
Most reacted comment
Hottest comment thread
3 Comment authors
Khual TawngBena SailoHmangaih i Recent comment authors
  Subscribe  
newest oldest most voted
Notify of
Hmangaih i
Guest
Hmangaih i

Setana hmanrua diktak chu condom hi

Bena Sailo
Guest
Bena Sailo

condom hi chu Setana hmanrua a ni chiah lo.. Nupa inkâr ni lova sex hman zawk hi a ni

Khual Tawng
Guest
Khual Tawng

Adik khop mai

Copyright © 2017-2020 Our Daily Bread Mizo.
Privacy Policy