ṬHIAN ṬHA

THUFINGTE 17:17
Ṭhian chuan eng lai pawhin a hmangaih reng a, Mangan ni atân unauva piang a ni.

Mihringte hi a huhova awm tûra Pathian min siam kan ni a. Pâwlho leh chêngho zîngah pawh kawm ngeih zâwng ṭhian ṭha an la awm leh ṭhin. Inneihnaah pawh mo leh mo neituin ṭhian an nei ve ve ṭhin.

Thufinga kan hmuh ang hian ṭhian ṭha leh dik tak chu a ṭhian kawm tân hmangaihtu ṭha leh mangan niah pawh pianpui ang mai a ni a, a hlu êm êm a ni. Ṭhian ṭha chu a rinawm a, thurûk engkim a ṭhianten an hrilh ngam ṭhin; a dik a, a bula awm a hahdam thlâk ṭhin; a insumthei a, hmêlma a insiam ve ngai lo.

Hmânlai Mizo pasalṭhate khan sahuai lakah pawh ṭhiante chhan nan an nun an chân ngam ṭhin a, an entawn tlâk hle. Kan ṭhiante tan kan hun, thil neih leh nunna pe phal ve ila, thurûk leh thil engkim thlenna tlâkah min ngai rawh se.