ṬHIAN SUAL

1 KORINTH 15:33
Bumin awm suh u; “Ṭhian sualte chuan nungchang ṭha an tikhawlo ṭhîn.”

Zirtîr ngai lo khawpa sual lama harh kan nih rual hian, kan tih sual tam tak hi kan ṭhiante hnên aṭanga kan lâk chhâwn a ni châwk. Chuvangin Tirhkoh Paula pawh hian ṭhian sualten nungchang ṭha an tih khawloh ṭhin thu min hrilh a ni.

Ṭhian sual chuan rinawmna leh dikna an tlachham ṭhin a. Mi bum an chîn avângin kum khaw chawr loh phah hialna tur kawngah min hruai thei ṭhin. Ṭhian sual kawm chuan hnung lama mit nei ang râna awm tûr a ni. Mi ang, mi ang lova min siam theitu an ni a, mi ṭha, mi suala min chhuah theitu an ni a, mi dik, mi dik lova min chhuah theitu an ni tih i hre reng ang u khai; ṭhian kawmah i fimkhur ang u. Nu leh pate pawhin kan fate kawm turah fimkhurpui a ṭha.

‘Thinrim hmang mi chu ṭhian suh la, Mi thinchhia chu kawp suh;’ – Thufingte 22:24