PATHIAN AH CHAUH

– Zata Zadeng
Sialsuk

Genesis 49:2-4
Nangni Jakoba fapate u, rawn inkhâwm ula, ngaithla rawh u; In pa Israela thu hi ngaithla rawh u. Reuben, nang hi ka fa tîr, ka thiltihtheihna, ka chakna rah hmasa ber i ni; Sân berna leh thuneih berna chu i ta a ni. Nimahsela, tui anga nghet lo i ni, chungnun berna chu i nei lo vang; I pa khumpui i kai avângin;

Jakoban a fate a koh khawm thu kan hmu a, a fate zîng ami Reubena hnênah chuan fa tîr a nihna te, a chakna leh a thiltihtheihna a nihzia te a sawi a, sânna te, thuneihna te hi Reubena tâ a ni tih a hrilh a. Mahse a chungnung ber a ni lo a ni.

Kan Pathian rawng kan bâwlna ah hian sân berna te, thiltithei bîk nih duhna avang te in kan nun ah Lal Isua kan theihnghilh fo ṭhin. Pathian rawngbâwl inti si hian kan mihring chakna chauhin kan kal ang tih a hlauhawm a, heng kan rawngbâwl theih chhan hi kan mihring thuneihna a ni emaw kan ti ang tih a hlauhawm êm êm a. Pathian ah chauh innghah tak takna nun neih hi kan mihring nun tur a ni.

Pathian kan lamah a ṭan chuan tu in nge min do thei ang.