ZÛK LEH HMUAM HLAUHAWMNA

THUFINGTE 1:10-12
Ka fapa, mi sualten an thlêm hunah che An thu zâwm suh ang che. ‘Ti rawh, thah tûr i zawng ru ang, Pawi sawi lo pawh ni se a rûkin bei mai ila, A nung chunga phûm ang mai leh Seol-a chhuk tate angin i awmtîr ang.

Zûk leh hmuam hi ṭhian ṭha tak anga lang, a kâwm ngeihtute nun laksak tuma châng ru reng ang a ni. Kum tinin khawvêl pumah zû vang te, drugs vang te, HIV/AIDS vang te, motor accident vang te leh tualthahna avanga thite ai hian zûk leh hmuam avanga thi an tam zâwk daih a, second ruk leh a chanve dan zelah mi pakhatin a thihpui zêl anga ngaih a ni.

Mi thiamten an sawi danin mi mei zûk khu aṭangin a bula lo awm ten an hip luh aṭangin cancer an vei thei tih a ni a, a hlauhawm hle mai. A hmuam ṭhin hote aiin a zû te an fimkhur thiam a ngai. Zûk leh hmuam hian cancer, thawhah, thlûaka thisen zâm chat, pangkhing zeng, zunthlum, thisen sâng, lung natna leh a dang dang a thlen thei. Tiranga/Shikhar leh a anpuite hi kan naupangte leh kan ṭhalaite suattu a ni ṭan mêk. I venpui bawk ang u.