THISEN

THISEN

LEVITICUS 17:11
Tisa nunna chu thisenah chuan a awm si a; in nunna atâna inremna siamna tûra maichâm chunga ka pêk che u a ni; nunna atâna inremna siamna chu thisen ngei chu a ni si a.

Thisen hi a pawimawh avângin kan Bible pawh hian vawi 369 lai a sawi a. Scientist-hoten ‘nunna hi khawiah nge a awm?’ tia an zawn an zawn lai pawh khan kan Bible chuan ‘nunna chu thisenah chuan a awm si a’ a lo ti daih tawh a ni. Hetiang anih avâng hian Israel chhûngkaw zînga mi leh an awmpui ram dang mi pawhin thisen rêng rêng an ei tur a ni lo. Ram vâkin sava emaw ram sa emaw a hawn pawhin a thisen a tichhuak hmasa zet tur a ni a, chung thisen chu vaivutin a vûr tur a ni.

Juda-ho chu ran thisenin an inthawi ṭhin a. Inthawi nan – berâm te, kêl te, bâwng etc. te an hmang ṭhin. Hei hi Thuthlung Thar hlimthla a ni a. Lal Isua thisena thuthlung thar siamsak kan nih tur a hlimthlaa Juda-hova lo lang lâwk a ni. “Thisen chhuah lovin ngaihdamna rêng a awm lo” tia Hebrai ziaktuin a lo sawi hi a dik hlê a ni (Hebrai 9:22).

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.