HLIMNA TAK TAK

HLIMNA TAK TAK 1

2 KORINTH 9:7
Mi tinin an rilrua an tum sa ang chu ui lovin, tih luih ang ni hek lovin pe ṭheuh rawh se; Pathian chuan lâwm taka petu a ni a hmangaih ni.

John D. Rockfeller-a kha kum 43 mi anih lai khân khawvela mi hausa berte zînga chhiar tel a ni pha hial a. Kâr khat chhûngin Dollar maktaduai khat lai a la lût a. Chutiang khawpa hausa chuan a mamawh bâk bâk sum a nei.

Mahse lâwmna tak tak a nei thei tlat lo, a muhil thei lo fo a, a thil neih ṭha tak tak lah a hlimpui zo bawk si lo. Bodyguard leh enkawltuten hual ṭhup mah se a thlâ a muang ngai chuang hauh lo kha amah pawhin mak a ti fo ṭhin. Chuvang chuan natna khirh tak nei lo mah se a hriselna a tlahniam tial tial a, kum 53 a nih hnu phei kha chuan miten a dam rei an ring tawh lo hial a ni.

Zan khat chu rilru hah taka a awm lai chuan sum leh pâi tam takin hlimna a pe lo tih a hrechhuak a, a hausakna chu awmze nei taka hman ral mai tumin a inngaihtuah ta a. Tichuan, Rockfeller Foundation a din a, chumi hmang chuan ṭhahnemngai taka thawktu pâwl te, damdawiin te, Universities te, mirethei tam tak awmkhâwmna hmun te ṭanpuiin sum leh paiin a vûr nghek nghek mai a.

A sum tam tham tak a theh chhuah avang chuan damdawi ṭha tak Penicillin an siam chhuah phah a. Malaria te leh T.B. leh natna chi hrang hrang te research neiin nasa taka do a ni a. Hetianga a sum leh pai ṭangkai taka a hman tâk avang hian Rockfeller-a chu a lo mutui thei ta tlat mai a. A hriselna pawhin tlâkchhiat aiin ṭhat lam a pan zêl ta zâwk a. Kum 93 a nih thlengin a lo dam phah a. Thlamuang takin a thih phah ta zâwk hial a ni.

Hlimna te, hriselna te, hausakna thuruk tak tak chu Pathian chauhin min lo pe thei a ni.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy