KEHNIAK

JOHANA 14:27
Thlamuanna ka hnutchhiah a che u, keima thlamuanna ka pe a che u; khawvêlin a pêk ang ni lovin ka pêk che u hi. In thinlung mangang suh se, hlauh pawh hlau suh se.

Zan khat chu mumang ka nei a. Ka mangah chuan tuipui kam sir vêlah hian kehniak pahnih ka hmu a. Kehniak pakhat zâwk chu Lal Isua kehniak a ni a, pakhat chu keima kehniak a ni.

Tuipui kam vela Lal Isua kehniak leh ka kehniak kal dun chuan he khawvel kawngtluana Lal Isuan min awmpui zia leh min kaih reng zia a entir a. Mahse kan kehniak chu ka en zêl a, a chângin pakhat chauh te a lo awm ṭhin a. Mak ka ti hlê mai a. Kehniak pakhat chauh awm lai hun chu ka harsat châng te, ka lungngaih châng te, ka khawhar chângte leh hrehawm ka tawrh châng te a lo ni ṭhin.

Tichuan Lal Isua hnenah chuan a chhan ka zâwt ta a, “Lalpa engah nge ka lâwm lai te, ka hlim lai te khân mi kalpui avângin ka bulah i kehniak a awm reng ṭhin a. Mahse ka lungngaih châng te, ka harsat châng te, ka khawhar châng tein i kehniak a bo ni? Thlamuang taka awm tûra min duh si chuan engah nge khâng ka hun hrehawmah khân min kal san si?” ka ti a.

Lal Isua chuan, “Ka fapa, i lungngaih châng te, i hrehawm lai te, i khawhar lai te khân ka kalsan tawp lo che. Khâng hunlaia kehniak pakhat chauh i hmuh kha keima kehniak a ni a. I phur a rih êm avângin ka thlazar hnuaiah ka pawm kâng ṭhin che a ni” a ti a.

Mahse, Isuan anni chu a be thuai a, “Thlamuang takin awm rawh u, keimah ka ni e, hlau suh u,” a ti a. — MATHAIA 14:27