INRENCHEM 2-NA

ISAIA 55:2
Chaw ni si lovah eng vângin nge tangka in sên? Puar leh fânna ni si lovah eng vângin nge in tha in sên?

Mizote hi kan la pachhe hle a. A nei deuh te chu awm ve bawk mah se State dang te nena khaikhin chuan kan hmai a la uang lo khawp mai. A khawsa thei deuhte ai hian a harsa deuhte hi kan la inren thiam lo zâwk mah emaw tih tûr a la ni leh zêl.

Puar leh fânna ni lo, chhungkaw khawsakna pawhin a mamawh loh zûk leh hmuam leh ruih theih thila kan insêng vak vak ṭhin te, kan mamawh ni lo, kan duhzawng thila sum kan khawhral tam lu deuh ṭhin te, kan lei tumsa rêng ni lo, kan hmuh chawp leh kan duh chawp thil kan lei ṭhin te hi kalsan a hun ta hlê mai. Nuho bazar kal pawh hian an kal chhan loh lei hâwn vak an chîng khawp nia! Hlawh nei lote pawhin hlawh kan neih ve theih dân chu mamawh tihtlêm leh a awmsa ren thiam hi a ni. Thla tâwpa a baa thil lâk a ṭul fona chhan pawh hi taksa leh chhûngkaw mamawh ni lova sum kan hman fo ṭhin vâng a ni.