PHUNCHIAR

THUFINGTE 21:19
Nupui âncheh leh thinchhe tak bula awm ai chuan, Thlalêra awm a ṭha zâwk.

Hmeichhia chauh ni lovin mipa pawh phunchiar fe fe a awm theih ve tho. Pa phunchiar tak emaw nu phunchiar tak emaw hi mi hlim thei tak an vâng hle a, chan tâwka lungawi tak hriat tûr an tlem viau bawk.

Phunchiar tak bula awm hi a hahthlak a, nu phunchiar emaw pa phunchiar emaw awmna chhungkuaah chuan fate nen pawh an hlim lo tlângpui ṭhin. Thawhhona hmunah pawh phunchiar bula thawh hi a châkawm lo bik. Phunchiar takte hian mi dang aiin mahni ṭha an inti a, an in dah pawimawh duh hlê bawk.

Phunchiar hi a chhe zâwnga ngaih vek tûr a ni chuang bîk lo va. Mi dang a tifimkhurin siam ṭhat tam tak a nei ve thei tih hriatreng tûr a ni. Engpawh ni sela, mi phunchiar aiin phunchiar lo hi kawm an nuam a. Phunchiar mi chuan lei ven ṭhat an mamawh tihna a ni ṭhin.