ISUA KAN NEIH HNU HIAN

– Vanlalsanga Tochhawng
Khawbung

JOHANA 3:16-17
Pathianin khawvêl a hmangaih êm êm a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zâwk nân. Pathian chuan khawvêl thiam loh chantîr tûrin a Fapa khawvêlah a tîr si lo, amah azâra khawvêl chhandama an awm theih nân a tîr a ni zâwk.

Isua hi sual a awm tawh lohna tùra pék kan ni lo va. Mi tam takin, ka piangthar tawh reng si a, keimahah sual duhna tinreng ala awm si a; hei hi ka pianthar dan a fuh loh vâng em ni tiin mahni an inzâwt a, chu chuan mahni lam inrinhlelhna min neih tir fo ta ṭhin a nih hi maw!

Sual awm tawh lohna tùra Isua hi pék kan ni lo va, keimahniah hian sual hi a nun reng dawn avanga pék ngai zâwk kan ni. Ṭhenkhat chuan sual chu ngati nge Pathianin a tihbo loh / a dah bo loh? A theih loh vâng a nih chuan Pathian biak tlâk loh tihna a ni mai an ti leh ṭhin.

Mahse, Pathian chuan keimahnia sual duhna awm reng chunga; kan chhia leh ṭha hriatna thiang tak hmanga amah kan thlan a, amah avanga sual kan kalsan a, kan thihsan zel hi a duh zâwk avangin sual hi tibo lo a, awm tir reng zâwk a ni si.

Chu tisana avang chuan khawvelah hian ṭahna te, lungngaihna te, manganna te, rùmna kan tih zawng zawng hi alo la awm a. Chu mahni inkhawngaihna avanga kan natna leh hrehawmna, sual awm reng chung pawh a, chùng thil tena a khawih phák loh van nun chu a thlawnin Pathianin min pe ta zâwk a ni.

Chu chhungril lama Isua awm chu nun siam ṭha tu a ni a. Zu ngawl vei mêk chungte, addict kan nih reng lai ten min Chhandama, ani chuan ti leh tawh suh tiin; thil tisual nawn leh tawh lo turin min Chhandam zâwk a ni tih hi i hrenawn thar fo ang u (John 8:12).

Chu Isua chu miin a nuna a zuk hmuh fuh chuan, mahni lama sual awm reng chungin Krista thisen hluah tlan, tihthianghlim, tlenfai ka ni tih a hmuthiam a. Mahni lama sual leh a duhna tinreng awm te do a, hneh nana min pêk Isua nen chuan châkna ṭhalo tinreng chu nitina a do tûr tih hmuthiam chungin; hneh chung leh hneh zêl turin a nunah ni tin Pathian ram a thleng zui ta ṭhin a ni.