MIHRING TIBAWLHHLAWHTU

MARKA 7:14-15
Mipuite chu a ko khâwm leh a, an hnênah, “In za-in ka thu hi ngaithla ula, hei hi hre fiah rawh u; pâwn lam aṭanga mihring chhûnga lût eng mahin amah a tibawlhhlawh thei lo, mihring chhûng lam aṭanga lo chhuak zâwk chu a ni amah tibawlhhlawh ṭhîntu chu,” a ti a.

Lal Isua zirtirten kut sil lova chhang an ei chungchângah Pharisaite leh lehkha ziaktuten upate thurochhiah bawhchhiatna nia an ngaih avângin an zâwt a. Lal Isuan ‘Kan ei leh kan in lam hi mihring tibawlhhlawhtu a ni lo va, kâa kan sawi hi suala khat mihring thinlung aṭanga lo chhuak a ni a, chu ngei chu mihring tibawlhhlawhtu a ni zâwk’ ti zâwngin a chhâng a. Mihring thinlung hi, sual leh bawlhhlawha khat a nihzia thu a hriattîr duh niin a lang. He thu hi ‘zu in a pawi lo’ ti zâwnga lo kailek an awm ṭhin a. Zu in duh tlatna pawh kha thinlung aṭanga lo chhuak a ni tawh zâwk a ni.

JEREMIA 17:9 — Thinlung hi thil dang zawng aia bumhmang, Siam ṭhat harsa khawpa chhia a ni a, Tu nge hrethiam thei ang?