PATHIAN BIAK

PATHIAN BIAK

1 TIMOTHEA 4:12
I naupan avâng maiin tu man ngainêp che suh se, thu sawiah te, chêtziaah te, hmangaihnaah te, rinnaah te, thianghlimnaah te ringtute entawn tlâkin awm ang che.

Willie-a nu leh pate chu Kristian ni lo mah sela an fapa chu Lal ṭawngṭaina leh mut dâwn ṭawngṭaina te an zirtîr a. A chhunzawmna turin, “Lalpa ka nu leh pa te, kei pawh mal min sâwm la, mipa naupang ṭha tak ni tûrin min awmtîr ang che” tiin a ṭawngṭai ṭhin a.

Zan khat a ṭawngṭai zo chuan a nu hnenah, “Ka nu i ṭawngṭai ve em?” a ti a. A nu chuan, “Bawihte, ka ṭawngṭai ve lo,” tiin a chhâng a. Willie-a chuan, “Anih leh ka pa a ṭawngṭai ve em?” a ti leh a. A nu chuan, “A ṭawngṭai ngai bîk lo aniang” a ti leh a.

Willie-a chuan, “Anih leh eng atân nge min ṭawngṭai tîr ziah si?” a ti a. A nu chuan, “A ṭha alawm, naupang ṭha nih i duh lo’vem ni?” a ti a.

“Duh tehreng mai, mahse ka pa nên hian engngatinge in ṭawngṭai ve ngai loh?” a ti leh a. A nu chuan, “Thlarauvin min chhuahsan a ni mahna!” a ti a.

Willie-a chuan, “Ka pa nen hian kei, naupang mai mai lakah hian in phût sâng lutuk lo maw? Chhungkaw tâna ṭawngṭai hi kei chauhvin ka tih bîk tur em ni? Ka pa nen hian tlem tal chuan min pui ve ula!” tiin a chhâng a. Chutaṭang chuan an chhûngkuain an ṭawngṭai ṭan ta a ni.

Naupangte hi Pathian vântirhkoh ni tura koh an ni fo ṭhin a, a châng chuan kan hai ve fo ṭhin.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy