ṬHIAN SUALTE LAKA FÎMKHUR

ṬHIAN SUALTE LAKA FÎMKHUR

1 KORINTH 15:33-34
Bumin awm suh u; “Ṭhian sualte chuan nungchang ṭha an tikhawlo ṭhîn.” Fel takin harh ula, thil tisual suh u, ṭhenkhat chuan Pathian hriatna rêng in neih loh hi; hei hi in lo zahna tûrin ka sawi a ni.

Mihring hi a huhova khawsa tûra Pathian siam kan ni a. Kan boruak hîp dân azirin sualna lamah pawh kan lût thûkin kan lût thûk lo mai niin a hriat. Kan Bible chhiar aṭang khan ṭhian sualten nungchang ṭha pawh an tihkhawloh theih thu kan hria a.

Hetiang a nih avang hian ṭhian kawmah pawh kan fîmkhur a pawimawh a. Kan faten an kawm tur te bâkah an lênna tura kan duh leh duh lohte pawh a awm thei. Hêng thleng hian fîmkhur thiam a ngai hle. Nu leh paten kan fate chanchin kan hriat meuh hi chuan tihdam a har hlê tawh ṭhin a, sâp thufingin, “Tih dam aiin inven a ṭha zâwk” a tih hi hrereng ila. Sual tih pumpelhna hnai ber chu misual kawp loh hi a ni. Hei hi mahni inthunun thei lote leh naupangte tân a pawimawh zual awm e.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.