JUDA’N ISUA A PHIAR RU

MATHAIA 26:14-16
Chumi hnu chuan Sâwmpahnihte zînga pakhat, Juda Iskariota an tih chu, puithiam lalte hnênah a kal a, “Amah chu ka mantîr ang che u a, eng nge min pêk ang?” a ti a. Tangka sawmthum an bûk chhuahsak ta a. Chumi hnuah chuan mantîr dân tûr remchâng a zawng ta reng a.

Zirtîr sâwm leh pahnih zînga tel ve, Juda Iskariota hi Judai chhim lama khaw pakhat, ‘Karioth’ khuaah a awm a. Iskariota tih pawh hi ‘Karjoth mi’ tihna a nih an ring. Juda hi zirtîrte zînga an sum vawngtu a ni nghe nghe. A Lalpa mantîr theih dân tur ngaihtuahin puithiam lalte hnênah a va kal a. Anni lah Isua tihsual chânga hmanhlel an lo ni bawk nên an lo phûr hle a. Tangka sawmthum an lo bûksak a, a chhang eitu kha a tân dorâl a lo chang ta a ni.

Duhâm leh hlemhlêt ṭhat lohzia leh mi dang pumkhat thei lova awm a ṭhat lohzia Juda chanchin aṭang hian a chiang hle mai. Kan Lalpa hi sum leh thil dang duh vangin kan mantîr ve tawh ṭhin lo maw?