I THU NI SE

I THU NI SE

LUKA 22:42-44
“Ka Pa, rem i tih zâwng a nih chuan he no hi mi lâk sawnsak rawh; nimahsela, keima thu ni lovin, nangma thu ni zâwk rawh se,” a ti a. Vân ata vântîrhkoh pakhat, a tiharh tûrin a hnênah a lo lang a. A thlaphâng êm êm a, ṭhahnemngai lehzualin a ṭawngṭai a; a thlan chu thisen far lian tak angin a far a.

He thuah hian Lal Isua hi mihring famkim a nihzia a lang chiang hle. Isaia pawhin, “…lungngaihnate nei mi leh natna hre mi a ni a…” tiin a lo sawi lâwk a (53:3). Mihring diktak a nih avângin a no in tûr (a tawrh tur) kha a huphurh tak zet a, a pumpelh theih dân awm se a ti ve ngawih ngawih a; a lungngaih luattuk avâng khân a thlan pawh thi far lian tak angin a far a nih kha!

Chutianga lungngaihna chhûm dumin a bawm khah mup lai pawhin, “…keima thu ni lovin, nangma thû thu ni zâwk rawh se,” a la ti thei fan a ni. Keimahnia Pathian duh dân hlen chhuaha a awm theih nân ‘I thu ni se’ kan ti ve thei dâwn em le?

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy