NGAIHSÂN HLAWHNA

1 THESALONIKA 4:11-12
Kan hrilh tawh che u ang khân, ngawi renga in kuta mahni hna thawh uar rawh u. Chutichuan, pâwn lam mite hmuhah mawi takin in khawsa thei ang a, eng mah tlâkchham in nei lo vang.

Mi ngaihsân nih hi a hlu a, thil châkawm tak a ni bawk. Mi rethei tak nih hian chuan ngaihsân hlawhte a har a, fing nih pawh a harsa. Mite zînga tlangtla tak tak tûr leh ngaihsân hlawh tûr chuan mahni intodelh a, tlâkchham neih loh phawt mai hi a ngai ṭhin.

Tirhkoh Paula hian mite ngaihsân nih hlawh theih dân pawimawh tak a sawi chu mahni kut ngei hmanga hna thawh a ni. Tun laiah thawk hah lova boruaka ei hmuh tum, sum hmuhna tûr anih chuan dâwt sawi pawh hreh lo hriat tûr leh hmuh tûr kan tam ta hle. Hotea kan hmuh chu hoteah bawk kan hmang ral leh ṭhin. Engpawh thawk ila, hlawh hmu tlâka kan thawh a pawimawh. Paula hian ‘thawhrim hi intodelhna leh mite ngaihsân hlawhna a ni’ a tihna ang a ni. Mite ngaihsân hlawh phâk tûrin i thawk nasa ang u.