THATCHHE CHAW HEH

THATCHHE CHAW HEH

TITA 1:12
Anmahni zînga mi, anmahni zâwlnei pakhat ngeiin, “Kret thliarkâra mite chu dawthei te, sakawlh sual te, thatchhe chaw heh te an ni fo mai,” tiin a sawi kha.

Paula’n Tita lehkha a thawn lai hian Kret thliarkârah Kristian an awm ve nual tawh a, chûngho enkawl tûr chuan Paula’n Tita hi a dah nghâl a. Kret thliarkârah hian thatchhe bawk si, sual bawk si, ei lama thei zêk bawk si an tam a, chung zîngah chuan Kristiante chu tlâkchham an neih loh nân hna ṭangkai thawk a inhmang a, awm mai mai lo tûra fuih tûrin Paula hian Tita hnenah a hrilh a ni.

Kan ramah pawh hian kan ni tho mai, a thatchhia chhia hi an mu reiin an ei thei emaw tih mai tûr an ni. Fehrehsân vêlah an zimar ṭan a, an thawh meuh chuan chawchhûn ei a lo hun ṭêp a. Chhûngte awm loh hlânin an intuituah a, thlan tla khawpa hna thawk peih lo khan thlan far zawih zawihin an ei leh thei lawi si ṭhin. Kan ram ṭhalaiten phûr taka hna an thawh theih dân tûr hi ngaihtuah chhuah thiam a va ṭha em!

2 Comments

  1. Kan thalai Group ah ka dah chhawng te ang In zirtirna tha tak ani kan hlawkpui angie ka beisei

  2. Tha thei khawp mai…

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.