KA RINA CHU KA HRIA

KA RINA CHU KA HRIA

2 TIMOTHEA 1:12
Chuvâng chuan alâwm tûnah pawh hetianga ka tuar ni; mahse, ka zak lo ve; ka rina chu ka hria, a hnêna ka kawltîr chu, chumi Nî atân chuan a vawng him thei tih ka hre chiang a ni.

Paula hian Chanchin Ṭha avangin a tuar nasa hle a. Zahpui a hnêkin thihpui thamah a ngai zâwk a, chu Chanchin Ṭha avang chuan tân inah pawh khung a ni rêng a. Kan han chhiar tak a ziah lai phei hi chuan nghâwng tan mai bâkin a awm tawh a, chutiang boruak kârah pawh chuan a zam chhete lo. A rin Lalpa a hriat tlat vang a ni.

Vawiina ringtute hi engnge kan dinhmun ve aw? Harsatna chhûm dumin min khuh lai te, lungngaihna leh mangannain kan chunga thlâ a zâr mêk laite hian ‘ka rina chu ka hria’ kan ti ve thei ang em? A chhandamna Chanchin Ṭha hi engtiang chenin nge kan lo tawrh phah ve tawh aw? tih te pawh in en ila.

Lalpa nena ni tin leng dûn nun neitute hian an rin Lalpa hi an lo hre tlat ṭhin a; a nung ka thinlungah tih theihna pawh an lo nei ṭhin a lo ni!

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.