KAN RILRU A PAWIMAWH

MATHAIA 16:9
Tûnah pawh in la hrethiam lo cheu maw? Mi sângnga tâna chhang panga leh a bâng in dah zât kha in la hre reng lâwm ni?

Ram ṭhenkhat chuan Sâi an hmang ṭangkai êm êm a, hnathawktu ber atân an hmang ṭhin. Sâi aṭang hian thil zirchhuah in tum teh ang.

Hna an thawhtîr hma Pound 180 vêl chauha rit an nih lai hian chain-in an thlung bet a. Theihtâwpa ṭanga tâlchhuah a tum pawh hian a thei ngai reng reng lo va, a tâwpah phei chuan a beidawng ta a ni.

Heta ṭang hian Sâi chuan thlun beh tlat anih chuan engmah a tithei lo tih chu a inpawm dân a ni.

Tichuan Sâi puitling tawh, Pound 8000 a ritte pawh hian hrui mai mai pawha thlun beh an nih tawh chuan kalsawn theihna chance engmah an nei lo ni hian an inngai a, tâlchhuah emaw tlân chhuah an tum tawh ngai lo a ni.

Chuta ṭanga kan zir chhuah tur chu, Sâi puitling-te khan hrui mai mai chu awlsam takin an tichat thei chiang mai a, an tha chakna kha hrui lakah a tâwp lo, a tâwpna erawh an rilru-ah a awm tlat vang a ni.

Sâi anga hlawhchham tawh vanga thei tawh lo tûra inngai mi engzât nge awm ang le. Tithei ve tawh lova kan inhriatna hi kan hlawhchhamna a ni a. Kan hlawhchham tawh avanga thil thar zirchhuah pawh ngam lo engzât tak awm ang i maw!

Tithei ve tawh lova kan inhriatna hi kan hlawhchhamna a ni.