Nun Kawng Chaw

NAUPANG ENKAWL PART-1

NAUPANG ENKAWL PART-1

– Chhantea (Oriela patea)
E. Lungdar

Kan tunlai khawvel thiamna ṭhang chak tak leh I.T. hmasâwnnain kan tapchhak, kan fairel bêl thleng a thlen tawhna khawvelah hian hmasâwnnain a hrin chhuah thil ṭha tam tak kârah a ṭha lo lo inphûm tel ve zêlin kan nun a chiah a. A ṭha kârah a ṭha lo lai copy a awlsam êm zâwk avangin side lehlam chauh thlîrin ka lo sawi dâwn a. Heng kan khawvel changkânnain a ken tel hmanrua te hi ka paih vekin ka mausam lo tih min lo hriatsak ka duh hle mai.

Naupang te hi rilru thiang leh fîm, thil thiam chak leh zir peih tak an ni a. Tunlai kan smartphone changkâng tak tak te hi keini ai mahin an thiam chakin an thiam zâwk emaw tih mai tur hian hriat loh kârah hianin mobile phone aṭang hian an duh duh an lo ti zung zung thei tawh a. Hêng te vang hian naupang te leh mobile phone inkârah hian enge thleng tih kan ngaihtuah a kan hriat fo hi a ṭha âwm e.

Pastor pakhat chuan a bial fanna-ah naupang tlei ve tawh tak pakhat ṭap bâng duh lo a hmuh thu a sawi a. “A nu bulah chuan enga tinge a ṭah? Natna a nei em ni?” tiin ka zâwt a a tia lawm. A nu chuan, “Nei lo ve, a mut a hun tawh a. Mahse a mut dâwna a hla ngaihthlâk ṭhin phone-ah a play theih loh a, signal a awm si lo va, a ṭap anih kha” tiin min chhâng a ti. Chu pastor chuan kan tunlai hmasâwnna hian kan nun hi puitling leh naupang min control lutuk dân hi a va veiawm tehlul êm a ti a. Ngaihtuahna a ti thui hlêin ka hria a ti. Kan fate hi mobile phone tello a naupang an nih lai aṭanga an tleilo anih chuan an puitlin hun ah engtin nge an awm ang. Heng thil a naupang awih mut tum ai chuan Bible a mi ropui chanchin te hmang hian awih mut tum ila. Mobile phone-a hla aiin Bible a mi ropui te hian an nun luah se a va ṭha dâwn êm.

Naupang pakhat keima tawn ngei mobile phone games âtchilh chu phone a khawih laiin a biak ṭawng theih loh a. Games a khelh laiin chhûngkaw chaw ei mai ni lo. Chhûng inkhâwm thlengin a nghawng buai pha vek tawh. A nu leh a pa, a pi phone la ru tûr chuan a fing em em a. A games khelhin a mizia a control in, a aw râwl a vînin a key a sâng êm êm a. Phone chuan a zirlai a thlahthlam tîr ṭhak a. A mit in a tuar êm êm a, control anih loh chuan a nun pum nghawng chhe tûrin hun rei a ngai lo tawp ang. Chûng chu tu mawh nge ni ang? Nu leh pa te mawh a ni.

Khawvel thil hmasâwnnain a ken tel hi thiam tîr leh thiam tûra enkawl hi kan mawhphurhna a ni naupang te lakah hian. An nun an control tûr vên pawh kan hna a ni. An nun hi an thil en leh hmuh hian thui tak a kaihruai a ni.

Heng lo pawh hi television leh computer ten naupang te nun a chîm dân leh games in an nun a ei dân te sawi tûr a tam, vawi khata sawi sên a ni lo, kan sawi zêl dâwn nia.

THUFINGTE 22:6
Naupang chu a kalna âwm kawngah chuan zirtîr ula, A upat hun pawhin a thlah lo vang.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy