KUM ZATHUM PATHIAN NEN

GENESIS 5:21-24
Tin, Enoka chuan kum 65 a nihin fapa Methusela a nei a. Tin, Methusela a neih hnu chuan, Enoka chu kum 300 chhûng zawng Pathian nên an lêng dûn ṭhîn a, fanu leh fapate a nei leh hlawm a. Tichuan, Enoka dam chhûng zawng zawng chu kum 365 a ni a. Tin, Enoka chu Pathian nên an lêng dûn ṭhîn a; tin, a awm ta lo va, Pathianin a la bo ta a ni.

Ringtu kal tate zîngah Enoka hi a entawn tlâk ber pâwl a ni. Kum 300 zet Pathian nêna lêng dûn thei nun a nei hi a fakawm hle. Camping zawh hnu lawka tlu leh maite nên chuan an kâr a hla hle awm e! Hetiang taka rei Pathian lênpui theiha a awm hi Pathian meuh pawhin a ngaina ve a ni ngei ang, chatuana a lênpui tûrin a hnênah a la ta a ni.

Enoka nun aṭang hian Pathian nêna kan inkâr hi bih chiang thar leh ila. Pathian nên kan lêng dûnin kan inkâwm ṭhin em? Mite lo tluin kan Lalpa aw an hriat tawh loh hnuah pawh – A nung ka thinlungah ti tlat thei tûrin rinawm takin amah nên i leng dûn zêl ang u.