Nun Kawng Chaw

PATHIAN REMRUATNA

PATHIAN REMRUATNA

ROM 11:34
Lalpa rilru chu tu nge hriaa, tu nge a remruatsaktuah ṭang tawh?

Lawng chhiat avangin mi tam tak chu an thi a, mahse vanneihthlâk takin mi pakhat hi a dam hlauh mai a, thliarkârah chuan amah chauh chuan a vâk kai a, tuma awm lohna hmunah a awm ta a. Ni tinin Pathian hnênah chhanchhuah a nih theih nân a ṭawngṭai ṭhîn a. Mahse chhânna a hmu si lo a, a mangang hlê a ni.

A hmanraw neih ang ang chuan bûktê a sa ta a, riah nan leh ruah leh thli laka invenhimnan a hmang ṭhin a ni.

Nikhat chu ei tûr zawnga a vah chhuah laiin a bûktê chu a lo kâng hluah hluah mai a. A thin a rim êm êm a, Pathian hnênah chuan a vui ta a. Zânah chuan tuipui kam vaivutah chuan a mu ta a.

Zîng a lo ni a, zân a mut ṭhat loh avangin ni chhuah lai pawh a hre lo va, mahse a awmna thliarkâr pana lawng lo kal thâwm chuan a tiharh a. Lawnga chuangte chu a au vak vak a, a lâwm lutuk chu awm ngaihna a hre lo a, an rawn thlen chuan mak ti êm êmin chhanchhuah a ngaihzia engtin nge an hriat a zâwt a. Chung mite chuan, “Nimin khân ṭanpui ngaite chhinchhiahna meikhu kan hmu, kan rawn pan nghâl che a ni” tiin an chhâng a.

A bûkte sak kâng chu vânduaina nasa takah ngaiin Pathian a dem a, mahse a tâna ṭha tûra Pathian remruat zâwk a lo ni reng a nih chu.

Eng dinhmunah pawh ding ila, Pathian remruatna hrethiam tûr chuan vui lovin kan ṭawngṭai zâwk tur a ni.

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Hriata Fanai Recent comment authors
  Subscribe  
newest oldest most voted
Notify of
Hriata Fanai
Guest
Hriata Fanai

A ropui hle mai, tukin zing chhung inkhawmna ah ka chhiar

Copyright © 2017-2019 Our Daily Bread Mizo.
Privacy Policy