CHHUAN TUR DIK

GALATIA 6:14
Kei zawng, kan Lalpa Isua Krista kraws chauh lo chu chhuan tûr rêng ka nei lo, chu krawsah chuan khawvêl hi ka tân khenbeh a ni a, kei pawh khawvêl tân khenbeh ka ni.

Juda Kristiante zîngah serhtan tuipui pâwl an awm a, inchhuan phah nân an hmang pawh niin a lang. Serhtan chu Juda sakhaw chhinchhiahna langsâr tak a nih bâkah Juda sakhua hi Rom sorkar pawhin a pawmpui a. Tihduhdahna boruak pawh lo thleng se serhtan an nih vena lai kha an sa himna tûrah an ngai niin a lang.

Tirhkoh Paula hian Lal Isua kraws ropuizia leh thiltihtheihzia hi a hre chiang êm êm a. Thil dang zawng aiin hei hi chhuan ber tûrah a ngai a. Chu kraws thiltihtheihna avang chuan tisa khawvelnain amahah awmzia a nei tawh lo va, amah ngei pawh sual rawngbâwl tûra thiltithei lova siamin a awm a ni. Kan chhuan tûr dik tak chu, Kohhran pâwl hming emaw, pawisa thawh zât emaw, Missionary tirh chhuah zât emaw ni lovin Krista kraws a ni.