LAL THU, THU TÂWP

THUHRILTU 8:4
Lal thu chu a lal ber a, tu mah chhuahchhâl thei an awm lo.

Khawvelah lal leh rorêltu, mi chak leh thiltithei tak tak an tam hle a. Democracy ramah chuan President hi ram khat chhûnga thu neihna tâwp kengtu a ni tlângpui ṭhin. Mi khai hlum tûr emaw chiu hlum tûr emaw pawh awm se an thu neihna hmangin an chhuah thei. Lei lalte pawh an hun chhûngin lal hlê mah se an taksa leh nunna chunga thuneitu chu Pathian a ni.

Pathian chu vân leh khawvel siamtu, a chhûnga awm zawng zawng enkawltu, lalna leh thuneihna zawng zawng neitu a ni. Ram bung hrang hrang leh lalte chungah pawh thu neitu a ni a. Lal ram tluchhia leh lal thi tawh tam tak an awm laiin Pathian lalna leh thuneihna chu a la pangngai reng a ni.

Kan taksa leh nunna thua thu neitu tak tak pawh Pathian a ni a. Chuvangin kan chunga a rorêl lo thlengah kan vui ngawt tûr a ni lo. Kan ṭhatna tûra min thawhsakna te pawh a ni thei tih hriat a pawimawh a ni.