THLARAU THIANGHLIM A THLENG

TIRHKOHTE 2:1-2
Pentikos ni a lo thlen chuan an za-in an awm khâwmna inah chuan an inkhâwm a. Thâwklehkhatah vân ata thlipui thâwm ang ri a lo thleng ta phut a, an ṭhutna inah chuan a ri ta hum hum a.

Lal Isua thawhlehni aṭanga chhiara ni sawmnganaah vân aṭangin ri mak tak, thlipui ang mai a lo thleng phut a, lei te a mahin an zîngah a insem darh ta nuai nuai mai a, an chungah a chuang ta ṭheuhva; an vaiin Thlarauvin tih khahin an lo awm ta a, Thlarauvin ṭawng dân tûra a tih ang apiangin ṭawng dangin an lo ṭawng ta hlawm a ni.

He Thlarau Thianghlim lo thleng hian vawiin thlengin min la awmpui a, min la awmpui zêl dâwn. Keimahni lamah hnâ a thawh theih tûra kan inbuatsaih phawt chuan eng lai pawhin min tichak thei reng a. Kan tih theih loh min tihsak tûrin kan hnênah a awm reng a ni. Hlauva awm tûr kan ni lo, Thlamuantu Thlarau Thianghlimin min awmpui a ni tih i hria ang u.