THLARAU THIANGHLIM

JOHANA 16:7
Nimahsela, thu dik tak ka hrilh a che u, ka kal hi in tân a ṭha zâwk e, ka kal loh chuan Awmpuitu chu in hnênah a lo kal dâwn si lo; ka kal erawh chuan in hnênah ka rawn tîr ang.

Mi zawng zawng hian Pa Pathian chu engkim siamtu leh kan mamawh tinreng min petu a ni tih kan hria. Tin, Isua Krista pawh Pathian fapa mal neih chhun kan tâna a nun rawn hlântu a ni tih kan hria. Mahse Thlarau Thianghlim kan thlen chiah hian kan hre tlem hle mai.

Bible-ah chuan Thlarau Thianghlim chu thli te, mei te, hriak te, tui te leh a dang dangin a tehkhin a. Mahse chung chu a ni lo. Engkimtithei, khawi hmuna awm, engkim hria Pathian a ni.

Thlarau Thianghlim chu Thlarau dik tak (Johana 14:17) a ni a, mihring hnêna hrilhlâwkna hi Thlarau Thianghlim tirhin Pathian hnên ata sawi a ni. (II Petera 1:21).

Thlarau Thianghlim chu ringtuten nun thianghlim an neih theihna tûra puitu a ni a. Pathian an chawimawi theih nân te, Krista rawng an bâwl theihna tûra thilpêk chi hrang hrang petu a ni a.

Tumahin Thlarau Thianghlimah chauh lo chuan, “Isua chu Lalpa a ni, an ti thei lo (I Kor. 12:3). Chuvangin Thlarau Thianghlim chu min hnêmtu a ni a, min vêngtu a ni a, min zirtîrtu a ni a. Kan hmangaihin amah nên kan inpâwl ṭhin tûr a ni.

Chu nun duhawm tak chu ringtute hian nei ila engtiang chiahin nge nun duhawm leh chak kan neih ang tih hi sawi leh ngaihtuah thiam theih a ni lo.

ISAIA 61:1
Lalpa Pathian thlarau chu ka chungah a awm, Hriak min thih a, Lalpan min tîr a ni.